مصيادة سرمد ومكراضة يزن و٣٠٠ مليون دولار لماهر بتال ….!!

سعد الاوسي 22 أغسطس، 2024

352 دقيقة واحدة

{"remix_data":[],"remix_entry_point":"challenges","source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{},"is_sticker":false,"edited_since_last_sticker_save":false,"containsFTESticker":false}

بقلم : سعد الأوسي ..

شوكت نخلص من قصة اخو الوزير وابن السياسي وخال الجهال وابن عم الخياط اللي خيط قاط رئيس الوزراء !!!؟؟؟
شوكت تهتز الشوارب لو بس ادري !!!؟؟؟
ابو سرمد جاب ابنه سرمد الي بحياته ماشيل مصياده وحطه بالواجهة يريد يسويه رئيس جمهوربة العراق وهو بيه ليك منّا لذاك الصوب !!!؟؟
و ابو يزن يصدرلنا (يزوني) الي بعمره مامتعارگ بمكراضه يصفه والده بالمتوحش كبطل صنديد مقاتل وقائد خطير شجاع
وهو بحياته كذلك ما متعارك بتوثية لو صايدله عصفور بمصياده. وهم يريده يصير رئيس جمهورية لو رئيس برلمان !!!
ياهو اللي ترهم بيهن المهم رئيس !!!
وابن فلان واخو علان وابن اخت فستگان
وخال الجهال والخال والد مثل ما تعرفون، و طيز لگن و چعب ابريج !!!

كل هذوله لازم يلغفون وينهبون ويسيطرون و يحكمون ويصيرون علينا وزراء و رؤساء وقادة بالمستقبل كخير خلف لاخرأ سلف !!!
آخر واحد بقائمة الاخوة والابناء و ولد الاخت، هو الاخ ماهر بتّال نجم الجغيفي لوزير الصناعة والمعادن خالد بتال !!!!
يعاونه ابن اخته ايمن صلاح حمود الجغيفي اللي صار بهذي المنظومة الفاسدة مسؤول استلام الكومشنات و المالات الخشنة !!!!
طبعا ماهر و أيمن همه اللي يديرون الوزارة وكواليس صفقاتها
الوزير شغلته بس يلبس القوط ويكشخ ورا الميز و يوقّع !!!
الاستاذ ماهر بتال و الاستاذ ايمن الجغيفي ماقبضوا لحد الان من كل هاللهط والتعب غير 300 مليون دولار !!!
حوالي نصف ترليون دينار عراقي
و نازلين شراء عقارات باليرموك وبالمنصور لان هذي الاموال وسخة قذرة و لازم تنغسل بسرعة بشراء العقارات ومن ثم بيعها
والوقت قصير ، والوزير يوميه مخروع وخايف من اخبار تغيير الحكومة والانتخابات المبكرة
والكل ديركضون ركض حتى يلحگون گبل ما تنغلق مغارة علي بابا !!
واحنا اذا واحد دزلنا موبايل ابو ال 500 دولار انگلبت الدنيا و گالوا الاعلام يبتز !!!؟؟؟
والله حيل بيكم و تستاهلون وعساكم بابو زايد
خللي يبوگوكم وينهبون الاول والتالي
احنا على شنو خابصين نفسنا وحارگين دمنا، اشو تاليها لطم شمهوده
لا باره ولا چمباره
بالعافية عليك خويه ماهر بتال
سلملي على المعالي و گول له لاتخاف وبوگ براحتك تره الشعب مخدّر ونايم وماكو امل يصحى